Младите во Северна Македонија се околу една петина од вкупното население. Нивната бројка е околу 370,000 момчиња и девојки на возраст од 10 до 24 години. Оваа програма има за цел да ја намали ранливоста на заедниците во однос на климатските промени и деградацијата на животната средина така што ќе им овозможи на децата и младите да бидат двигатели на промените. Освен тоа, програмата ги поставува темелите за кохезивно и сеопфатно образование за животна средина и климатски промени во земјата.
Во основа, климатските промени се прашање на детските права
Децата се 30% од вкупното население во светот и се најбројната група луѓе погодена од климатските промени и деградацијата на животната средина. Децата се поподложни на негативните состојби во животната средина и се почувствителни на штетните влијанија врз нивните животи, како сега така и во иднина. Климатските промени и деградацијата на животната средина ги нарушуваат најосновните права на децата ширум светот, ставајќи ги во опасност нивниот живот и добросостојба.
Најнови вести
Младинска декларација за климатските промени
Младите бараат носителите на одлуки да преземат конкретни мерки за климатските промени Климатските промени се една од најголемите закани со која се соочуваат децата и…
На Младинскиот самит за климатски промени се усвои Младинска декларација за климатски промени
СКОПЈЕ, 21 октомври 2021 – На Младинскиот самит за климатски промени што се одржа вчера во Скопје под водство на младите се усвои Младинска декларација за…
Имплементацијата – најсериозна забелешка за секторот животна средина и клима во извештајот на ЕУ
Најновиот извештај на ЕУ за земјата сериозно забележува за недостигот на имплементација на новата и постоечка регулатива во поглавјето 27 – животна средина и клима.…
Приклучи се на нашата заедница и изрази заложба!
Со ставање на својот потпис на оваа заложба, јас се залагам за климатска акција и за поддршка на интеграцијата на образованието за животна средина и климатски промени во образовниот систем. Исто така, се заложувам дека ќе:
- УЧАМ повеќе за климатските промени и ќе бидам поангажиран во ова поле,
- Преземам АКЦИЈА за заштита на животната средина и намалување на емисиите на стакленички гасови,
- СПОДЕЛАМ и со другите и ќе ги охрабрувам да научат повеќе за темата, да преземат климатска акција и да ја потпишат заложбата.
СО ВАШАТА ЗАЛОЖБА, ВИЕ:
Станувате дел од една заедница која им овозможува на младите да дејствуваат како двигатели на промените за намалување на ранливоста на заедницата во однос на климатските промени и деградацијата на животната средина.
Ќе дадете поддршка на интеграцијата на образованието за климатски промени и животна средина во македонскиот образовен систем;
Ќе бидете постојано информирани и поврзани со организациите што обезбедуваат можности за личен и професионален развој во полето на животната средина и климатските промени.
